STG 3rd Meeting အကြောင်းကို အကျဉ်းချုပ်
ပြန်လည် မျှဝေ ပေးပါ့မယ်ဗျာ ...
အခု တလော အလုပ်ပိနေလို့ နောက်ကျသွားတာပါ ...
( ရှေ့လ ပိုပိဦးမယ် ထင်တယ် ... ;) )
တက်ရောက်ခဲ့တဲ့ အခြား မိတ်ဆွေများကလည်း
ကူညီပြီး မျှဝေ ပေးကြပါဦး...
ကို ဉာဏ်သစ်လွင်ကတော့ Information Management
အကြောင်းပြောပြသွားတာ အားရစရာပဲဗျ ...
အချိန်တို အတွင်းမှာ ခြုံငုံမိသွားစေတယ်...
ပြီးတော့ အမေးအဖြေ ပုံစံတွေ ထပ်သွားလိုက်တော့ ပိုပြီး ရသွားတာပေါ့...
ကိုယ့် လုပ်ငန်းအတွက် သတင်း စီးဆင်းမှူ ၊
စုဆောင်းမှု စနစ်တွေ ဟာ ဘယ်လောက် အရေးကြီးလဲ...
ဘာတွေ လုပ်လို့ရလဲ... (ပြိုင်ဘက်တွေထက် ကုန်ကြမ်းဘက်မှာရော
ဈေးကွက်ဘက်မှာပါ သတင်းအချက်အလက် အပေါ် မူတည်ပြီး အားသာနိုင်ကြောင်း)
ပြီးတော့ နိုင်ငံတကာမှာ ဒီလို ဝန်ဆောင်မှု ပေးနေတဲ့
Company တစ်ခု အကြောင်းနဲ့
ဒီ Company ဟာ အခုဆို မြန်မာနိုင်ငံရဲ့ စီးပွါးလုပ်ငန်းတွေ အတွက်ပါ
ဝန်ဆောင်မှု ပေးနေနိုင်ပြီ ဖြစ်ကြောင်း (မခံချင်စွာ ;) ) သိလိုက်ရပါတယ်... ;)
ကိုဇော်ဝင်းထွဋ်ကတော့ အစုစပ် လုပ်ငန်း လုပ်ကိုင်တဲ့ အခါမှာ
ဆောင်ရန် ရှောင်ရန် အချက်တွေကို ကိုယ်ပိုင် ဘဝ အတွေ့အကြုံတွေနဲ့
သိုင်းဝန်းပြီး ရှင်းပြသွားတယ်ဗျ ...
ပြီးတော့ Accounting ဘာသာရပ်ဟာ
စီးပွါးလုပ်ငန်း လုပ်ကိုင်မယ့်သူ တစ်ယောက် အတွက်
အလွန် အရေးကြီးကြောင်း ...
ကိန်းဂဏာန်းတွေက ပြောသော ဘာသာစကားကို နားလည်နိုင်အောင်
ကြိုးစား ပြင်ဆင်ထားဖို့ လိုကြောင်း ဆွေးနွေးသွားပါတယ်ဗျာ...
နောက်တော့ ထုံးစံ အတိုင်း အမေးအဖြေ ပုံစံပေါ့...
( အဟဲ... ကျွန်တော်ပဲ လိုက်ပြီး စ စ မေးတာလေ ;) )
နောက် မမေစုကတော့ ဘဝမှာ ကိုယ်ဘာလိုချင်တာလဲ ...
ဘာဖြစ်ချင်တာလဲ... မသိခဲ့တဲ့ အားနည်းချက်ကြောင့်
ကြုံရတဲ့ ကိုယ်တွေ့ အခက်အခဲများ...
ပြန်လည် စဉ်းစား ရွေးချယ်မှုများ အကြောင်းကို ပြောပြခဲ့ပါတယ်...
( ကိုယ်ပိုင် လုပ်ငန်းက အဆင်ပြေနိုင်နေလျှက်နဲ့
စင်ကာပူမှာ စာရင်းကိုင် တစ်ယောက် အနေနဲ့
အလုပ်သွားလုပ်မိခဲ့တာ သူမ အတွက်တော့
အမှား အရွင်း တစ်ခု ဖြစ်ခဲ့ကြောင်း
ပြောပြသွားခဲ့ပါတယ်... )
ကိုအောင် ကတော့ လူသစ်ဖြစ်ပေမယ့် ...
အကောင်းဆုံး ပါဝင် အစွမ်းပြသွားတယ်ဗျို့ ... ;)
လက်ရှိ သူလုပ်ကိုင်နေတဲ့ အထည်ချုပ်လုပ်ငန်း အကြောင်း
ရှင်းပြသွားတယ်...
နောက်ထပ် တိုးချဲ့မယ့် လုပ်ငန်းတွေ အကြောင်းရောပဲပေါ့...
Powerpoint Presentation နဲ့ကို အသေအချာပြင်ဆင်ပြီး ပြောပြသွားတယ်...
ကျွန်တော်တို့လည်း သူ့လုပ်ငန်း နဲ့ ပတ်သတ်တဲ့
အကြောင်းတွေကို အသေးစိတ် ဝိုင်းဝန်းမေးမြန်း အကြံပေးကြတယ်...
သူက ရွှေမြေ (သန်လျှင် - တက္ကသိုလ် ၄ ခု ရှိရာ ) ရောက်နေတာဗျ....
နောက်တော့ သူလုပ်ကိုင်နေတဲ့ လုပ်ငန်းခွင်မှာ
ဝန်ထမ်းတွေကို ဘယ်လို စီမံ ကိုင်တွယ် သလဲ ဆိုတာပါ
ရှင်းပြသွားခဲ့ပါသေးတယ်ဗျာ ...
ကျွန်တော်ကတော့ ဘာလို့ ထိထိရောက်ရောက် တွေးနိုင်ဖို့ လိုအပ်တာလဲ
ဘယ်လို ထိထိရောက်ရောက် တွေးကြမလဲ ဆိုတဲ့
Effective Thinking နည်းလမ်း ၇ ချက်ကို ဆွေးနွေးပေးခဲ့ပါတယ်ဗျာ ...
( ဒီနည်းလမ်း ၇ ချက်ကို ဆရာကိုတာ ၊ ဆရာ မြတ်ငြိမ်းတို့ရဲ့
ဘာသာပြန် စာအုပ်တွေက ရတဲ့ အချက်အလက်တွေရယ်...
ဆရာ ဦးကျော်သူ (KTA-EBS) ရဲ့ သင်တန်း တက်ပြီး ရခဲ့တဲ့ အချက်အလက်တွေရယ်ကို
ကျွန်တော့် အမြင်နဲ့ ပေါင်းစပ်ပြီး စုစည်း တင်ပြထားတာ ဖြစ်ပါတယ်... )
နည်းလမ်း ၁။
အတွေးကို လားရာပေးပါ ၊ အတွေးတိုင်းကို ချရေးပါ....
ကြုံသလို တွေးနေတာမျိုးမဟုတ်ပဲ
တစ်ခုဆို တစ်ခုမှာ လားရာပေးပြီး တွေးဖို့ပါ ...
PMI (Plus,Minus,Interesting)
(ကောင်းကျိုး ၊ ဆိုးကျိုး ၊ စိတ်ဝင်စားဖွယ် အလားအလာ )
လို့ ခေါ်တဲ့ အတွေး လက်နက်ကို သုံးပြီး
Analytical & Critical Thinking လုပ်ပါ
( Analytical-ခွဲခြမ်း စိတ်ဖြာပါ / Critical-စီစစ် အမှတ်ပေး ဆုံးဖြတ်ပါ )
နည်းလမ်း ၂။
ဘာကြောင့်ဆိုတာ အမြဲလိုက်တွေးပါ ...
ဖြစ်ရပ်တိုင်းရဲ့ နောက်က ဘာကြောင့်ဆိုတာ ကို အမြဲလိုက်တွေးပါ ...
အဖြေမရနိုင်တာတွေ ရှိခဲ့ရင်တောင် ...
အလေ့အထကောင်း တစ်ခု ဖြစ်လာပါလိမ့်မယ်...
အဖြေ ၁ ခု ထက် ပိုလာတာ ကိုလည်း တွေ့လာပါလိမ့်မယ်...
နည်းလမ်း ၃။
တစ်ချို့ ကိစ္စတွေမှာ ပြောင်းပြန် ပြန်တွေးကြည့်ပါ ...
အမြင် "ဘက်" ကို ပြောင်းလိုက်တဲ့ အခါ အမြင် လည်းလိုက်ပြောင်းသွားပြီး
တတိယ ထွက်ပေါက် တစ်ခု ရလာတတ်ပါတယ်...
နည်းလမ်း ၄။
အခြားသူများရဲ့ အမြင်ပေါင်းစုံကို တောင်းခံပါ ။
ဒါမှ ပိုမို စုံလင်တဲ့ ရှုထောင့် က ထွက်လာတဲ့ အဖြေ တစ်ခုရလာမှာပါ။
ဥပမာ လက်ပံတောင်း ကိစ္စလို ဟာမျိုးဆိုရင်
ဋ္ဌာန တိုင်း ၊ အဖွဲ့ အစည်းတိုင်းရဲ့ အမြင်ကို ပြန့်ကျဲမနေပဲ
စုစည်း တင်ပြနိုင်ဖို့ ကြိုးစားသင့်ပါတယ် ...
ဥပမာ
၁။ သတ္ထုတွင်း ဋ္ဌာန ရဲ့ လက်ပံတောင်းတောင် စီမံကိန်း သုံးသပ်ချက်
၂။ သစ်တော ဋ္ဌာန ရဲ့ လက်ပံတောင်းတောင် စီမံကိန်း သုံးသပ်ချက်
၃။ လယ်ယာ လူတန်းစား အဖွဲ့အစည်း ရဲ့ လက်ပံတောင်းတောင် စီမံကိန်း သုံးသပ်ချက်
၎။ နိုင်ငံခြား ရင်းနှီး မြှုပ်နှံမှု စောင့်ကြည့် အဖွဲ့အစည်း ရဲ့
လက်ပံတောင်းတောင် စီမံကိန်း သုံးသပ်ချက်
၅။ သဘာဝ ပတ်ဝန်းကျင် ထိန်းသိမ်းရေး အဖွဲ့အစည်း ရဲ့
လက်ပံတောင်းတောင် စီမံကိန်း သုံးသပ်ချက်
၆။ နိုင်ငံရေး ( ပါဝါ ချိန်ခွင် ညှိရန် စောင့်ကြည့်သူ ) အဖွဲ့အစည်း ရဲ့
လက်ပံတောင်းတောင် စီမံကိန်း သုံးသပ်ချက်
( ကျန် ဋ္ဌာန တိုင်း ၊ အဖွဲ့ အစည်းတိုင်းရဲ့ အမြင်များလည်း ဖြည့်စွက်ပါ... )
စတာတွေကို စုစည်းပြီး တင်ပြနိုင်သင့်ပါတယ်...
(တစ်ယောက် တစ်ပေါက် ကတော့ အလကားပါပဲ.... )
တင်ပြတဲ့နေရာမှာ
၁။ စီမံကိန်းရဲ့ ကောင်းကျိုး
၂။ စီမံကိန်းရဲ့ ဆိုးကျိုး
၃။ စိတ်ဝင်စားဖွယ် ရှေ့အလားအလာများ
စတဲ့ ထောင့် ၃ ထောင့်နဲ့ ပြည့်စုံရမှာ ဖြစ်ပါတယ် ...
ပြီးမှ ဒီ အစီရင်ခံမှုတွေ အားလုံးကို ခြုံငုံပြီး
Critical Thinking လုပ်ပြီး ရလာဒ် သတ်မှတ် ဆုံးဖြတ်မယ်ဆိုရင်
အများကို စုစည်း ထုတ်ပြန်မယ်ဆိုရင်...
အများ လက်ခံနိုင်မယ့်...
အဖြေမျိုး ထွက်လာဖို့ ပိုပြီး ရှင်းလင်း လွယ်ကူလာနိုင်ပါတယ်...
နည်းလမ်း ၅။
ကျယ်ပြန့်အောင် တွေးပါ ...
ရနိုင်သလောက် အချက်အလက်တွေကို စုံလင်အောင်
ကောက်ခံ စုစည်း တွေးယူရမှာ ဖြစ်ပါတယ် ...
အချက်အလက်တွေကို Critical Thinking မလုပ်ခင်မှာ အရေးမကြီးဘူးဆိုပြီး
ကြိုတင် ချန်လှပ်တာမျိုး လုံးဝ မလုပ်ပဲ
အားလုံးပါဝင်အောင် စုစည်းရမှာ ဖြစ်ပါတယ်...
နည်းလမ်း ၆။
ဖောက်ထွက်တွေးပါ ။
အမြဲတန်း သမားရိုးကျကနေ ဖောက်ထွက်တွေးကြည့်ပါ...
ရလာဒ်ကို သုံးမယ် မသုံးဘူး ကြိုတင် မသ်ိနိုင်ပေမယ့်
မဖြစ်မနေ တွေးကြည့်ပါ ...
( နာမည်ကြီး "9 Dots Example " ကို လူတိုင်းသိကြမယ်ထင်ပါတယ်... )
၇။ ဖြန့်ထွက်တွေးပါ ။
( ဖြန့်ကျက်တွေးတာ နဲ့ ဖောက်ထွက်တွေးတာကို
ပေါင်းစပ် အသုံးချဖို့ ဆိုလိုခြင်း ဖြစ်ပါတယ် ...)
ဒီ နည်းလမ်း ၇ ခု ကို အစဉ် အသုံးပြုခြင်းအား ဖြင့်
သာမန်ထက် ... လက်ရှိထက်... ပိုမိ ထိရောက်စွာ တွေးခေါ်နိုင်ကြပါစေလို့
ဆုမွန်ကောင်း တောင်းပေးရင်း...
လေးစားလျှက်
ကိုဇင်ဇေ ( STG )
" ပန်းတိုင်တွေ့၍ တွေ့သောပန်းတိုင် အရောက်လှမ်းနိုင်ကြပါစေ"
www.facebook.com/sharingtogethergroup
www.shaingkozinzae.wordpress.com
မှတ်ချက် ။ အချိန်ကိုငဲ့ပြီး အတိုချုံး လိုရင်း ရေးထားရတာ ဖြစ်တဲ့ အတွက်
လိုအပ်ချက်တွေ ရှိခဲ့ရင် တောင်းပန်ပါတယ် ....
No comments:
Post a Comment